Saturday, November 24, 2012

கடவுளாதல்

சுடுகாடு எங்கே இருக்கிறது
இப்போதே சாக வேண்டும்
கருவறை வழி தெரியுமா
மறுபடி பிறக்க வேண்டும்
விலைமகள் வீடு தெரியுமா
புணர வேண்டும் அவசரமாய்
நல்ல மக்கள் இருந்தால் சொல்லுங்கள்
நான் வாழ வேண்டும்
பாதை ஒன்றை காட்டுங்கள்
வேறொரு பாதையில் செல்ல வேண்டும்
சாதியில்லா மதம் உண்டா
சாதியை உருவாக்க வேண்டும்
கோவில் எங்கேயுள்ளது
கடவுளை திட்ட வேண்டும்
எதுவும் தெரியாவிட்டால்
உங்கள் ஊரில்
டாஸ்மாக் எங்கே உள்ளது
சொல்லுங்கள் இப்போது
நான் கடவுளாக வேண்டும்.